22.12.2025 – Nell’imminenza del Natale, il Comitato provinciale di Bologna dell’Associazione Nazionale Venezia Giulia e Dalmazia ha tenuto due momenti conviviali: il pranzo sociale e lo scambio degli auguri in sede.
«Momenti belli, perché stiamo insieme! Il dialetto purtroppo si sente sempre meno, a Bologna non riusciamo ad avere un menu con la nostra cusina, ma la voglia di stare insieme, di trovarci, l’entusiasmo ci sono e sono fortissimi! C’è anche un certo ricambio generazionale. Si passa il testimone e si va avanti» ha commentato Chiara Sirk, Presidente dell’ANVGD Bologna.
“Econe qua, per grassia de Dio, rivadi in salude anche a sto 35° Nadal passado in esilio, lontan da la nostra vecia Pola! Chissà quanti de noi che, in sti giorni, xe andadi, come mi, in cantina o in sofita a cior la granda scatola del presepio e quele più picie co le bale de l’albero de Nadal… qualchedun sarà anche andado in mercato a comprarse un bel albero vero, con tanto de radise; tanti altri invese gavarà fato come mi: i gavarà scartossado quel de plastica che xè restado per un ano involtissado in tei giornai veci, là in un canton del sgabussin… Alberi veri o alberi finti che ormai femo più per i nipoti che per i fioi za grandi; presepio che metemo insieme co la scusa de far contenti i pici, ma che femo co’l stesso amor che ghe metevimo tanti tanti ani fa a Pola, co andavimo a grumar el mus’cio a bosco Suri, perché là se podeva trovar anche qualche bel toco de curo per farse la capana dove che sarìa nato, a mezanote de la vigilia, el nostro bel Gesù Bambin de cartapesta.
Ve ricordè quanto che pastrociavimo in lissiera per sporcar col pinel o con una strassa de saco quei grandi foi de carta de paco, per farse da soli la carta-rocia che doveva coverser el mucio de zocheti de rovere per far la montagna. Legni de rovere, mus’cio, suro, sabia de Veruda, gereta per le stradine, un toco de specio per el lagheto, carta de ciocolata per el torente e quela carta blu, quela dei spagheti che vendeva la Provida, per el ciel; là ghe incolavimo le stele de argento e una stela cometa con una coda che no finiva più: quela bela stela cometa che gavevimo fato in casa col carton de una scatola de scarpe involtissado co la carta de argento! E iera un lusso se se riussiva anche a incolarghe sora un tubeto de brillantini.
Tra l’ingrumar la roba e meter in pìe albero e presepio ghe metevimo una boria setimana, tra el brontolar de le mare che no voleva veder tuta quela confusion de zocheti, de scatole, de carte e de statuine de gesso e de cartapesta. Adesso se fa tuto più presto: a la Standa e a l’Upim se poi trovar tuto pronto: da la cartarocia al mus’cio sintetico, da la gereta a le statuine de plastica, dal ciel con su le stele e in basso el panorama de sfondo fin al lagheto co le ochete che nuda e el pescador co la cana in man e el suro incolado sul pel de l’acqua.
Ma a mi, ve digo la santa verità, me piasi de più ferme el presepio come una volta: col mus’cio vero che vado a sercar in campagna, co le statuine de cartapesta, che se le casca in tera le se rompi, ma le xe tanto più bele, co le lampadine picie picie soto le frasche, che dà l’idea del fogo impizado, col torente de carta d’argento e el lagheto de specio de una parte e de l’altra el deserto de sabia vera, come la gereta de le stradine e po’, de l’ano passado, ghe meto anche quela casita che me son fato solo, con vicin el mue de Galisan e la capreta istriana […].
«Co se diventa veci, se torna de novo fioi» diseva mia nona Femia defonta; e molleme fioi, che me lo ga sentido dir tante volte come voi in ocasion del Nadal i fa finta de gnente e i fa una bona azion lassandome giogar in pase col mio giogatolo. E i xè contenti anche lori, come mi”
Mario IVE, Natale in esilio, in “L’Arena di Pola”, n. 2271, 25 dicembre 1982, cit. in David Di Paoli Paulovich “L’avvento nel folclore istriano: tempo rituale del magico e di preparazione al Santo Natale”, 2023, pp. 418-19.
