di Milan Rakovac
Sì che canto gloria, perche l’UE finlamente ga ‘verto ‘sti danadi ultimi tre capitoli, cussi che entreremo! E per quel, come raramente oso, oggidì ve scrivo solo in dilaetto, cari mii Istriani, Fiumani, Zaratini, “rimasti” ed esuli. Perché? Lo spiego dopo.
Cussì che ‘desso ‘sti nostrani-domaci europhobi che sognava un’ qualcossa come Cro-Svizera, i xe restadi kusch-und-platz-und-marsch (che me dà tanta gioia!), ossia alla istriana: canta-e-tasi! Incredibili ‘sti muli Generation 91. che i pensa che’l mondo, anche’l mondo croato, comincia nel 1991. Xe el ottimo vignettista Felix, che anche lui ‘sta volta el sogna The Croatina Dream ‘91. e el disegna l’EU coma una baba grosissima seduda su la Croazia?! Ciaro, tanti de ‘sti qua i perdera cualcossa, massimalmente la libertà controbandista; ma la stragrande magioranssa pensa che nell’UE saremo liberi, ossia, più liberi e più bennestanti che semo adesso.
Ciaro, UE de qua o de là, sempre restando qua dove che semo – ma no come che semo! Più volte anche qua me ricordo come el mio nono materno Jure benediva l’Austria e bestemiava sia l’Italia sia la Jugoslavia. E quando ghe domandavo perché, el me spiegava, sempre ridendo, anima beata, ciaro e tondo: Alla fiera de Montona andavo comprar un manzo con soldi de oro e argento in te la scarsella. El prezzo de fiamiferi per tutti i mii ventisei anni da sudito del K.undK. mai iera cambiado e in più el iera stampado sora la scattola. El K.undK. pagava subito el vin, el grano, o la quercia che ti vendevi.
Per quel canto gloria, va be’, da ottimista generico, ciaro che esagero un tantin.
E dopo xe ‘sta nafta russa che finalmente la ‘rivera a Veglia! E xe però anche i nostri Verdi e la ciesa e i sindacati che i xe contro! OK, digo mi, ghe vol tegnir conto de’l ecologia, ciaro, ma el petrolio propio ancha ghe vol?
E sì, i disi, ma xe che qua poderia saltar in aria tutto e tutti, altroché sindrome “Golfo-del-Messico”, in ‘sto picio golfin’ Adriatico! E si, po’. Ma, el gas ed el petrolio passa de qua cussì-e-cussì, con le navi e i tubi ed in più le piataforme nell’Adriatico? E alora, cossa femo? Distudemo la luce e i spacher, ghe demo fogo al fogoler, che l’Istria intiera la par giungla equatoriale, e legno gavemo da export? E in più, vedendo ‘sta aleanssa un po’ stramba, verdi+vescovi+manager sindacali insieme, che mai i xe dacordo su’ gnente? A mi me par che i scrivi ‘sta roba solo per insempiar la gente (by Carpinteri e Faraguna).
Me sento propio in gamba, scrivendo ‘ste righe. Ma save perché? Perché le scrivo in quel mio scarso dialetto istro-veneto, imparado parzialmente sinqunat’anni fa drio-la-Arena, e forse anche la Chris la me benedirà, perchè go scrito tutto-tutto in-te-la nostra “dolze favella”, cussì che no la doveva tradur gnente? E leger qule che scrivo, so mi ben, per i miei lettori de La Voce, Glas Istre e Primorski dnevnik no xe facile. E posso solo imaginar che lavorasso e sudor che ga la Chris tradusendo le mie frasi pesanti in un toscano perfetto. A volte devo spiegar a i conossenti (e a i lettori de La Voce) che magari se savessi scriver in italian, in lingua. No, digo, xe la Chris che la me tradusi in un modo rafinado. Ma, la mia euro-gioia me ga forssado oggi; xe la gioia profonda d’un Istrian e Croato e ex-Yu che finalmente se libereremo de ‘sti modi e vissi balcanici. Cussì che xe giusto esprimer ‘sta goia profonda anche co’la misura linguistica. Cussì che a volte farò in ‘sto modo; e no xe solo question de memorie e tradissioni, ossia non solo el mio modo conossudo, mio genre-de-faire personale, sia nel giornalismo, sia nella letteratura. Piutosto, qua se tratta de pura sopravivenssa culturale, per noi altri, e non solo per i ‘Taliani de queste beate parti del mondo. Ma altretanto per noi croati e sloveni della costiera. Perche i dialetti i xe la sostanssa generica culturale, essendo el sal autnetico ed autoctono dell’ambiente.
Me son alontanado un po’ dal argomento, o magari anche no! Perché me par, co’la entrata croata nel’UE, ghe volessi programar un novo futuro, ch’l includeressi una protession globale del dialetto, l’esenssia della cultura inmateriale: E questa proposta merita altri aprofondimenti.
La Croazia nell’UE significa che tutti i Balcani faranno parte dell’UE! e significa porre fine ai miti bellico-patriottici che ci tengono in ostaggio da due decenni. Si è aperta una nuova era! La ragione trova sempre la via d’uscita dalla palude ed è questo quello che conta nella lunga storia del percorso europeo della Croazia (e degli altri Paesi dell’ “Atlantide jugoslava”).
