Go trovà fra le carte de casa una interessante fotografia che me vien dal zio Francesco Marsi capitano de macchina del "Toscana" che nel 1941 prendeva el mar con la livrea bianca e le croci rosse come nave ospedale. Nel '42 addirittura era stada attaccada da aerei con bombe, due volte, con feriti a bordo fra equipaggio e personale sanitario, nonostante i segnali de riconoscimento.
Dopo l’otto settembre se trasferì a Malta.
El 6 febbraio 1944 la nave della Regia Marina vien requisida dai alleati, dopo lavori de adattamento come nave trasporto.
Durante la guera la nave gaveva fatto 54 missioni e trasportado 4.720 feriti e naufraghi e 28.684 maladi.
Tra el dicembre del 46 e l’aprile del 47 i polesani opta in massa per lassar la città e trovar rifugio in Italia.
Tito gaveva occupado militarmente tutta la Venezia Giulia.
El Toscana diventa la nave del rimpatrio de profughi e ex prigionieri di guerra dalla Libia e Tunisia.
El 2 febbraio 1947 parte da Venezia e da quel giorno trasporta non meno de 13.056 profughi tra donne e bambini e veci. Porta anca le ceneri de Nazario Sauro.
Nell’estate del 47 riacquista el ruolo de nave passeggeri e fa viaggi verso l’Australia, ma anche questa volta finisse con portar emigranti per conto del CIME Comitato intergovernativo per le migrazioni Europee.
Nel 1961 entra in disarmo nel porto de Trieste e demolida dopo 39 anni de navigazioni de cui 27 con el nostro tricolore.
Indubbiamente per i esuli questa nave xe un monumento, un simbolo e trovar sta foto del mio zio me commove moltissimo, de quando la era nave ospedale per i nostri soldati feriti. Dopo ghe spetava quel ruolo triste de portar via dall’Istria i Italiani sfortunadi che la guera ingiusta, come tute le guere, ga condannà alla sofferenza.
El zio non gaveva mai voia de ricordar i sui viaggi su la nave ospedale, el me diseva "se meio non farme ricordar cossa vedevo, tuti sti giovani feriti e maladi che portavo a casa dall’Africa, non go voia de parlar de questo, già de note se me vien a mentre non posso indormenzarme".
Lui era sul TOSCANA e tanti esuli, dopo anche lori.
Alfredo Fucci
